MR.MAX
>> ما أبغاك تسجل خذ راحتك يا حبيبي في المنتدى <<

تفضل بزيارة قناتي على اليوتيوب يوجد بها أفضل أنواع الفيديو ..

https://www.youtube.com/user/xMRxMAXx ..

بالتوفيق للجميع ..

MR.MAX

برامج + أوراق عمل + ملخصات + مسلسلات + اسلاميات
 
الرئيسيةاليوميةس .و .جبحـثالتسجيلدخول

شاطر | 
 

 ..* ضيقوا صدر العباة ووسعوا طرف الكموم *..

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
الاسمر الجذاب
.:: مشرف ::.
.:: مشرف ::.
avatar

المشاركات : 79
تاريخ التسجيل : 23/12/2011

مُساهمةموضوع: ..* ضيقوا صدر العباة ووسعوا طرف الكموم *..   الخميس 09 فبراير 2012, 14:18

العبايه عولموها وانفثو فيها السموم

من ملاهي الرقص جابوا فكر تخصير العباة

ظيقوا صدر العباة ووسعوا طرف الكموم

ونزلوها لين وصلت آخر أكتاف الفــــــــتاة

بانت نحور الصبايا وانكشف شكل الهدوم

والغبية تحسبنها زايده زين وحــــــــــــلاة

والبراقع دلعوها لين عام الخد عوم

لازم القرضه توسع والكحل يلقى الحــــياة

طوروا شكل النقاب وصارت الدعوه علوم

صار شفاف(ن)يوضح خدها ويا الشـــــــفاة

وآخر الصرعه لثام(ن)يفتن الرجل العزوم

والفتن قالوا ضلاله للقلوب المؤمنـــــــــات

وش علامك بنت حوى تستبيحين السلوم

أو مع خيلك ياشقراء بعضكم جنس البنـــات

قاهرتهم هالعبايه مايبون الستر دوم

جدهم علمان يعني لاصيام ولاصــــــــــــلاة

حطوا إن البنت سلعه وغلفوها بالهموم

وارفعوا شعار(ن) ينادي للحقوق الضايعــات

من ظلمها والبدو لاصاحت الحرمه تقوم

قايمه تحت المعادي لجل عين الشامخــــــات

من ظلمها يوم قام المعتصم من عز نوم

قال وين الكافر اللي يستبيح المسلمـــــات

ثم ذبح لجل شعرتها من العدو كثر النجوم

قال هذا حق منهو يستذل الطـــــــــــاهرات

نكسوا ذاك الشعار ولملموا باقي السهوم

يكسر الخاطر سهمكم لاضرب في مدرعـــــــات

بيتكم لاصار مبني داخل البيت مهدوم

وبيتنا صوم وصلاة وحج وأشهد والزكــــــــــاة

إتركيهم يابدويه وخلي اللايم يلوم

وسعي خصر العبايه واكرمي بالمكرمــــــات

وإن رفعتيها لراسك أصبح الراس محشوم

العبايه فوق راسك حشمه وطيب وثبـــــــات

وماعليك من اللئيمه تحاول تقلدك يوم

لبست البرقع ولكن حن عرق الماجـــــــدات

بحنكها ألفين دقه مدري ألف من الوشوم

أو تراه ألفين هكري يكتبون الذكريــــــــــات

ولابغت تكتب قصيده قافها هو قاف يوم

(يوم يابا)(يوم يابا)جاك عرق الراقصــــــــات

جت تقول إني بدويه قلت أنتي وجه بوم

إعقبي منتي بدويه أنتي جزء من الحـــــصاة

يابدويه لايغرك بعض غربان(ن) تحوم

أنتي فوووق الكل أنتي فوووق روس النايـــــــــفات

أنتي يوم الحرب دارت والمعارك (قوم)(قوم)

عانقت عزوات أخوك صوت ضرب المرهفـــــــات

إن حدوا من بيننا أو طولوا حد العقوم

يابدويه طبعي أرقى فوق كل الطايــــــــــــــلات

إحذري يابنت منهم طبعهم نفث السموم

عولمتهم لو أعرفها طلع معنى الشـــــــــــتات

ظيقوا صدر العباة ووسعوا طرف الكموم

وبيجي يوم(ن) نشوف شقوق في وسط العبــــاة

الرجوع الى أعلى الصفحة اذهب الى الأسفل
 

..* ضيقوا صدر العباة ووسعوا طرف الكموم *..

استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
MR.MAX :: المنتديات العامة :: الثقافة والأدب :: الشعر-