أسلوب لحفظ القرآن باللهجة المصرية
شوفوا الترغيب المصري
بسم الله الرحمن الرحيم
شوف يا سيدى...
المصحف 600 صفحه او 602 ..صح
)لو مش مصدقنى روح بص فى المصحف بسرعه وتعالى(
هاه.. طلع كام !!..أوكي ... تعالى نكمل بقه
المصحف 600 صفحه على 30 يوم بكام يا ريس..؟؟...
يا عم متعقدهاش .. الحسبه أبسط من كده 600 / 30 = 20 صفحة
...شفتوا سهله إزاي...
طيب يعنى فى اليوم 20 صفحه وإحنا عندنا 5 صلوات فى اليوم
يبقى 20 / 5 مظبوط أيوه كده
4 صفحات
يبقى إنت لو قريت 4 صفحات بعد كل صلاه يبقى فى اليوم هتخلص 20 صفحه
يعنى فى الشهر هتخلص القرآن مستريح أوى
عايز نصيحتى خليهم 30 فى اليوم علشان لو جيت إنشغلت فى يوم من الأيام
يتعوض فى يوم تانى
إستنى الموضوع لسه مخلصش
إحنا هنهرج بقه ولا إيه ..
والدال على الخير كفاعله
شوف بقه لو بعتّ الكلام دا لكل أصحابك وختم القرأن بسببك هيتحسبلك أجر
وثواب أد إيه...
ياااه ده إنت تبقى ختمته كتر أوى ..
يللا يا عم شد حيلك.. عايزين
الناس كلها تختم القرآن السنه دي على ايدك
موضوع: أسلوب لحفظ القرآن باللهجة المصرية 
الخميس 01 مارس 2012, 05:41